Ուլտրաձայնային ախտորոշում
Կնոջ օրգանիզմը չափազանց փխրուն մեխանիզմ է ,որը պահանջում է խնամք և ուշադրություն։ Բայց ինչպես պարզել ,թե ինչպիսի փոփոխություններ են տեղի ունենում Ձեր օրգանիզմում , ամեն ինչ կարգին է, թե ժամանակն է ուշադրություն դարձնել այս կամ այն օրգանի վիճակին։ Այս հարցերի պատասխանները կանանց օգնում են ստանալ ուլտրաձայնային ախտորոշման մասնագետները։
Կանանց կողմից նման հետազոտություններից առավել հաճախ այցելած տեսակը համարվում է փոքր կոնքի օրգանների ուլտրաձայնային հետազոտությունը։
ՈՒլտրաձայնային հետազոտությունը մարդու օրգանիզմի ամենաապահով և ճշգրիտ հետազոտություններից մեկն է ( նույնիսկ հղի կանանց և նորածինների համար )։
Այն թույլ է տալիս բացահայտել կանացի հիվանդությունների մի ամբողջ շարք և վերարտադրողական համակարգի ֆունկցիայի խանգարումները։
Պատահական չէ, որ փոքր կոնքի օրգանների հետազոտման համար կանանց առաջին հերթին նշանակվում է հենց ուլտրաձայնային հետազոտություն։ ՈՒՁՀ օգնությամբ գնահատվում է ձվարանների , արգանդի , միզապարկի վիճակը, ինչպես նաև որոշվում է հղիությունը վաղ ժամկետում։
Ախտորոշման ընթացքում չափվում են արգանդի և ձվարանների չափերը , տրվում է եզրակացություն փոքր կոնքի օրգաններում պաթոլոգիական պրոցեսների առկայության մասին , ինչպես նաև հաստատվում է սեռական օրգաններում տեղի ունեցող պրոցեսների համապատասխանությունը դաշտանային ցիկլի փուլին։
Որպես կանոն , ուլտրաձայնային հետազոտություն իրականացվում է ցանկացած օր ՝ բացի դաշտանի օրերից։ Անհրաժեշտության դեպքում դաշտանի օրերին նույնպես կարելի է իրականացնել ՈՒՁՀ։
Ախտորոշումը ճշտելու համար հնարավոր է կարիք լինի կրկնակի ուլտրաձայնային հետազոտության ,որն իրականացվում է դաշտանային ցիկլի որոշակի օրը (բուժող բժշկի որոշմամբ)։
ՈՒՁՀ –ի օգնությամբ ախտորոշվող առավել հաճախ հանդիպող հիվանդություններն են .
— արգանդի միոմա ( ուլտրաձայնային հետազոտությունն իրականացվում է դաշտանային ցիկլի առաջին փուլում և թույլ է տալիս գնահատել միոմատոզ հանգույցների չափերը , դրանց կառուցվածքը , տեղակայումը , ինչը չափազանց կարևոր է հետագա բուժման մարտավարությունը որոշելու համար )։
- Էնդոմետրիոզ ( ուլտրաձայնային հետազոտությունն իրականացվում է դաշտանային ցիկլի երկրորդ փուլում և թույլ է տալիս որոշել էնդոմետրոիդ օջախների և միոմաների առկայությունը )։
- Սեռական օրգանների բորբոքային պրոցեսները (հետազոտությունը կարող է իրականացվել ինչպես առաջին , այնպես էլ դաշտանային ցիկլի երկրորդ փուլում և գաղափար է տալիս արգանդում ,ձվարաններում և հավելումներում բորբոքային պրոցեսների մասին )։
- Ձվարանների կիստաներ և նորագոյացություններ (ուլտրաձայնային հետազոտությունն իրականացվում է դաշտանից անմիջապես հետո և թույլ է տալիս որոշել կիստաների առկայությունը (ֆոլիկուլային, էնդոմետրիոիդ, դեղին մարմնի կիստա և այլն ), ինչպես նաև ուռուցքային գոյացությունների առկայությունը:
- Ձվարանների դիսֆունկցիա ( ուլտրաձայնային հետազոտությունն իրականացվում է մի քանի անգամ դաշտանային ցիկլի տարբեր փուլերում և թույլ է տալիս պարզել ,թե որ փուլում է հենց տեղի ունենում սեռական օրգանների ֆունկցիային խախտումը ):
- Հետվիրահատական շրջան ( նաևհղիության ընդհատումից հետո (ուլտրաձայնային հետազոտությունը կատարվում է ըստ ցուցումների և բարդությունների առկայության դեպքում )):
- Հղիությունը որոշելու համար ՝ ամենավաղ շրջանում (ուլտրաձայնային հետազոտությունը թույլ է տալիս կատարել հղիության վաղ շրջանի ախտորոշում ։ Բժիշկը հնարավորություն է ունենում ուլտրաձայնային հետազոտմամբ պարզելու բեղմնավորված պտղաձվիձվի առկայությունը արգանդի խոռոչում ՝ դաշտանի ուշացման 5-7-րդ օրը )։
Վերարտադրողական բժշկության մեջ ուլտրաձայնային հետազոտությունն իր առանձնահատուկ դերն ունի ։ Այն դարձել է անպտղության ախտորոշման անփոխարինելի մեթոդ։ ՈՒլտրաձայնային հետազոտության օգնությամբ հնարավոր է գնահատել ձվարանների , արգանդի և արգանդափողերի վիճակը ։ ՈՒլտրաձայնային հետազոտությունը հանդիսանում է ֆոլիկուլների աճի մոնիթորինգի, ձվաբջիջների հավաքման , սաղմերի տեղաձոխման , հղիության վաղ ախտորոշման , արտարգանդային հղիության ախտորոշման անփոխարինելի մեթոդ։
Առանձնահատուկ հարկ է նշել կոնտրաստավորմամբ ուլտրաձայնային հետազոտության դերը ՝ արգանդի և արգանդափողերի անցանելիության գնահատման հարցում։
Էխոհիստերոսալպինգոգրաֆիան արագանդի խոռոչի և արգանդափողերի անցանելիության վիճակի ստուգման մեթոդ է ՝ հիմնված ուլտրաձայնային հետազոտության վրա։
Էխոհիստերոսալպինգոգրաֆիան ախտորոշման մեթոդ է , որը 98% հավանականությամբ հնարավորություն է տալիս որոշել հետևյալ պաթոլոգիաները․
- Էնդոմետրիալ պոլիպոզ
- Ներարգանդային միջնապատ, սինեխա
- Ներքին սեռական օրգանների զարգացման անոմալիաներ
- Արգանդափողերի անանցանելիություն , հիդրոսալպինկս
Այս մեթոդը լայնորեն կիրառվում է անպտղության փողային գործոնի ախտորաշման համար ՝ այն պատճառով , որ Էխոհիստերոսալպինգոգրաֆիան ավելի մեծ տեղեկատվություն է պարունակում ռենտգեն հիստերոսալպինգոգրաֆիայի համեմատ (80 –ից 90% ), այն չի կրում ճառագայթային ծանրաբեռնվածություն ( ձվարանների ճառագայթում), ինչպես նաև ավելի քիչ ցավոտ և նվազագույն ինվազիվ միջամտություն է , որն իրականացվում է առանց ցավազրկման հոսպիտալացման , այսինքն համարվում է ամբուլտոր միջամտություն:
Այն չի պահանջում հատուկ նախապատրաստում ։
Անպտղության դեպքում շատ կարևոր է համարվում արգանդափողերի անցանելիության գնահատումը, քանի որ նրանց կարգավիճակը հանդիսանում է ամենակարևոր գործոնը ՝ ինքնուրույն հղիության կայացման հարցում։ Ձվաբջիջների շարժումը և սերմնաբջջի << հանդիպումը>> տեղի է ունենում արգանդափողում , որից հետո բեղմնավորված ձվաբջիջը շարունակում է իր ճանապարհը դեպի արգանդի խոռոչ։ Էխոգիստերոսալպինգոգրաֆիան համարվում է նաև բուժական մեթոդ, քանի որ հետազոտությանից հետո 16 % դեպքերում տեղի է լինում է ինքնուրույն հղիություն։
Էխոգիստերոսալպինգոգրաֆիան կատարվում է դաշտանային ցիկլի առաջին փուլում (դաշտանից հետո), սովորաբար դաշտանային ցիկլի 5-10-րդ օրերին։
Հատուկ կատետերի միջոցով արգանդի խոռոչ է ներարկվում հատուկ կոնտրաստ նյութ կամ ֆիզիոլոգիական լուծույթ։ Կոնտրաստ նյութը լցվում է արգանդի և հետո փողերի մեջ, ինչը բարելավում է վերջիններիս տեսանելիությունը և դրանց կառուցվածքի առանձնահատկությունները։ Ներարկումը շարունակելով ՝ նյութը լցվում է որովայնի խոռոչ, ինչն էլ փաստում է ,որ արգանդափողերը անցանելի են։ Արգանդափողերի անանցանելիության դեպքում ներարկվող հեղուկը չի հասնում որովայնի խոռոչ, կուտակվում է փողերում։
Փոքր կոնքի օրգանների ախտորոշման ճշգրտությունը և ինֆորմատիվությունը կախված է երկու հիմնական գործոններից ․ որակավորված մասնագետից և սարքավորումների որակից։ Դրա համար կանացի օրգանների ուլտրաձայնային հետազոտություն մենք խորհուրդ ենք տալիս անցնել հատուկ մասնագիտացված կլինիկաներում , որտեղ գերակա խնդիր է կանանց առողջությունը և վերարտադրողական ֆունկցիայի վերականգնումը։