Պտղաբերության խորհրդատվություն
Ամուսնական զույգերի մեծ մասը, ունենալով պտղաբերության հետ կապված խնդիրներ, սեփական ուժերին վստահելով՝ երկար ժամանակ չեն դիմում որակյալ մասնագետի ՝ ստանալու մասնագիտական ճիշտ խորհրդատվություն։ Ավելին, օգտագործելով այլընտրանքային դեղամիջոցներ և ժողովրդական բժկության մեթոդներ՝ ավելի են խորացնում արդեն իսկ առկա խնդիրները։
Կանանց անպղությունն արդյունավետորեն հաղթահարելու համար հարկավոր է դիմել որակյալ մասնագիտացված կլինիկա և ստանալ մասնագետի ճիշտ խորհրդատվություն։
Ռեպրոդուկտոլոգը զբաղվում է այնպիսի կարևոր հարցերով, ինչպիսիք են անպտղության պատճառները գտնելը, բուժելը և անհրաժեշտության դեպքում Արտամարմնային Բեղմնավորում (ԱՄԲ) իրականացնելը։ Սակայն ոչ բոլոր պացիենտներին է անհրաժեշ ԱՄԲ: Երբեմն բավական է միայն ինֆեկցիաների , դաշտանային ցիկլի անկանոնությունների , հորմոնալ խանգարումների բացահայտումն ու բուժումը։ Ռեպրոդուկտոլոգը կտա խորհուրդներ առողջ ապրելակերպի, կենսակերպի վերաբերյալ և կօգնի հասնել դրական արդյունքի՝ երկար սպասված հղիության։
Եթե չեք հղիանում մեկ տարվա ընթացքում, ապա Ձեզ անհրաժեշտ է դիմել հենց այնպիսի նեղ մասնագետի, ինչպիսին է ռեպրոդուկտոլոգը, որպեսզի չկորցնեք Ձեր թանկ ժամանակը։ Չէ որ որքան երիտասարդ է կինը, այնքան մեծ են նրա հղիանալու հնարավորությունները։
Անպղության պատճառների մեծ մասը ձեռքբերովի են ։ Դրանցից կարելի է խուսափել, եթե ժամանակին հայտնաբերվեն և բուժվեն սեռական օրգանների բորբոքային հիվանդությունները, պարբերական ստուգումների միջոցով հետևեն օրգանիզմի ընդհանուր վիճակին։
Որպեսզի ամուսնական զույգը պարզի, թե որն է անպտղության հիմնական պատճառը, պետք է անցնի ընդհանուր հետազոտություն և ստանա բուժում հատուկ մասնագիտացված կենտրոնում։ Վերարտադրողական էնդոկրինոլոգին (ով նաև հայտնի է որպես անպտղության բուժման մասնագետ) դիմելը Ձեր մայրանալու ճանապարհի կարևոր հենակետն է։
Ի՞նչ է սպասվում անպտղության առաջին խորհրդատվությանը։
Կարևոր է իմանալ, թե ինչ է սպասվում Ձեզ անպտղության առաջին խորհրդատվությանը։ Առաջինը, որ պետք է իմանաք, դա այն է , որ առաջնային խորհրդատվությունը կարող է տևել մոտ մեկուկես ժամ։
Ձեզ կդիմավորեն ընդունարանում, կգրանցեն և կհրավիրեն բժիշկի սենյակ, որտեղ Դուք կանցկացնեք մոտ մեկ ժամ։ Բժիշկը կուսումնասիրի Ձեր հիվանդության պատմությունը և կքննարկի ընտանիք կազմելու Ձեր նպատակները։
Ելնելով Ձեր հիվանդության պատմությունից , տարիքից և թե որքանով եք ցանկանում շարունակել անպտղության բուժումը, բժիշկը կնշանակի մի շարք հետազոտություններ ՝ գնահատելու զույգի ընդհանուր առողջական վիճակը։
Պտղաբերության կարևորագույն ասպեկտները գնահատելու համար խորհուրդ են տրվում պարբերական ստուգումներ իրականացնել ձվարանների, սերմնահեղուկի , արգանդափողերի և արգանդի վիճակի , հորմոնների մակարդակի վերաբերյալ՝ մեկ կամ երկու զուգընկերների մոտ։ Այս հետազոտությունների արդյունքները Ձեր բժիշկին կօգնեն կողմնորոշվել և ընտրել բուժման այն ճիշտ ընթացակարգը, որը կհանգեցնի հղիության։
Ձեր բժիշկի կողմից առաջարկվող ախտորոշիչ հետազոտություններից բացի մենք խորհուրդ ենք տալիս Ձեզ մի քանի քայլ , որպեսզի ավելի լավ նախապատրաստվեք հղիությանը և մայրությանը։
- Թողնել ծխելը
- Հետևել բալանսավորված սննդակարգին
- Պարբերաբար կատարել ֆիզիկական վարժություններ
- Եղանակներ գտնել նվազեցնելու մարմնի զանգվածը, խուսափել առօրյա սթրեսներից (մեդիտացիա, խորհրդատվություն, մերսում, ասեղնաբուժություն, կանոնավոր ֆիզիկական վարժությունների կատարում, տարաբնույթ նախասիրություններ և այլն)
Մի քանի օգտակար խորհուրդ՝ նախապատրաստվելու Ձեր անպտղության բուժմանն ուղղված առաջին խորհրդատվությանը․
1․ Ձեր բժիշկին տրամադրեք անպտղության բուժման նախորդ փորձերի ամբողջական և ճիշտ տեղուկություն։ Այն կբարձրացնի հաջողության հասնելու Ձեր հնարավորությունները։
Խնդրում ենք վերցնել Ձեզ հետ անպտղության բուժմանն ուղղված նախորդ բոլոր հետազոտությունների արդյունքները, նախորդ գինեկալոգիական վիրահատությունների արդյունքները և այլն։
2․ Անպտղության խորհրդատվւթյան ժամանակ Դուք կստանաք շատ ինֆորմացիա։ Ուստի հարցեր տվեք, կատարեք գրառումներ և հիշե՛ք, որ Դուք մշտապես կարող եք (նույնիսկ խորհուրդ է տրվում) զանգահարել կամ լրացուցիչ հարցեր ուղղել էլեկտրոնային նամակով։ Բացի այդ, կարող եք հղել Ձեզ հուզող բոլոր հարցերը ՝ նախքան բժիշկին այցելելը։
3․ Շատ կարևոր է հուզական վիճակը բուժումը սկսելուց առաջ․ մենք գնահատում ենք այն, որ հնարավոր է մեզ մոտ գալուց առաջ այլ կենտրոններում Դուք արդեն անցել եք բուժման կուրս, որը տևել է ամիսներ կամ նույնիսկ տարիներ։ Սա մեծ քայլ է, որպեսզի կրկին կամ առաջին անգամ սկսեք ախտորոշման և բուժման գործընթացը, այդ իսկ պատճառով Ձեր առաջին այցելությունն այստեղ կարևոր իրադարձություն է։
Հաճախ Դուք ոգևորվում եք հղիանալու հեռանկարով, հույսով լցվում և միևնույն ժամանակ նյարդայնանում, քանի որ չգիտեք ինչ ակնկալել, կամ վախենում եք, որ բուժումը կարող է արդյունք չունենալ։
Անպտղության բուժումը կարող է իր ազդեցությունը թողնել աշխատանքային գրաֆիկի, արձակուրդի պլանների, դրամական միջոցների, ամուսնությունների, ընտանիքների և ինքնագնահատականի վրա։
4․ Հնարավոր է լինեն նյութական, հուզական, ֆինանսական կամ բժշկական խոչընդոտներ, որոնք կարող են հանգեցնել բուժման ծրագրի փոփոխության կամ հետաձգման։ Մեր նպատակն է յուրաքանչյուր քայլի բավարարել Ձեր անհատական կարիքները։ Խնդրում ենք մի՛ ամաչեք հարցեր տալ, մի՛ շտապեք և հայտնեք Ձեր մտահոգությունները։ Մենք պատրաստվում ենք համագործակցել Ձեզ հետ բուժման ողջ ընթացքում և կանենք հնարավոր ամեն բան Ձեր բուժումն արդյունավետ իրականացնելու համար։